Google ADS

LAJMI I FUNDIT| Hysni Gucati vjen nga Haga në Mitrovicë, OVL-UÇK nuk janë në dijeni

14:11 | 12 Maj 2022
Fjolla Bajraktari

Burime të portalit arbresh.info, brenda spitalit të Mitrovicës kanë konfirmuar se ish-kryetari i OVL-UÇK-së, Hysni Gucati ka arritur sot në Kosovë, shkruan arbresh.info.

Arbresh.info ka kontaktuar edhe u.d kryetarë i OVL-UÇK-së, Faton Klinakun, i cili ka thënë se nuk janë në dijeni.

“Nuk kam info vetëm atë se çka po e shoh nëpër media”, tha Klinaku.

Ndërkaq Sinjali ka raportuar se Gucati është lejuar nga specialja që të vizitojë babain e tij i cili po trajtohet në Spitalin e Mitrovicës, nën masa të rrepta të sigurisë nga EULEX dhe Policia e Kosovës.

Arbresh.info i është drejtuar edhe Dhomave të Specializuara në Hagë për të marr një konfirmim por akoma nuk janë përgjigjur.

Rikujtojmë se, Hysni Gucati u arrestua më 25 shtator 2020 në Prishtinë dhe u transferua në objektin e paraburgimit të Dhomave të Specializuara të Kosovës, përkatësisht më 25 dhe 26 shtator 2020./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm